وصفات روعة لتتمتعى بالجمال الرائع والتى توفر لكى وقتك ومالك

السلام عليكم ورحمة الله وبركاته
بنات اليوم جبت لكم وصفات بتخص البشرة رائعة ومسكات بتجنن

فانا يا حبايبي عملتكو مجموعة من الماسك يارب تعجبكو وتستفادو منها ومش تنسو تقييم الموضوع عشان تشجعوني لأني تعبت اوي بجد في الموضوع دا يلا معايا ناخد فكرة عن الماسكات عشان تجربو بكرة

*ماسك لأستعادة لون البشرة و ازالة آثار الشمس :



المكونات

3 معالق ردة
2 معلقة زبادي
3 معالق عسل
نص لمونة

الطريقة

نعجنهم كويس أوي وبعد كدا نحط الماسك ع كل الوش وكمان الرقبة ( عشان يتكون النتيجة ع الأتنين مش الوش لوحده )
ونسيب الماسك ع الوش نص ساعة بالتمام والكمال وبعدين نغسل الوش كويس بمياه دافيه وبعد كدا نغسل الوش بماء الورد ( مفيد جدااااا)


ملحوظة

ممكن تحطي الماسك دا ع اي مكان عايزة تفتحيه مش هيضرك بالعكس هتشوفي النتيجة


الماسك دا يتعمل مرة في الأسبوع


*ماسك تاني لتفتح لون البشرة :



المكونات

1 معلقة دقيق
نص لمونة
معلقة لبن
معلقة زيت الزيتون

الطريقةنعجن كله كويس اوي وبعدين نحط الماسك ع الوش والرقبة لمدة نص ساعة وبعد كدا نغسل الوش كويس اووووووي وبعد كدا نغسل الوش بماءالورد ملحوظة لتحميل كتاب العناية بالبشرة إضغطي هنا ( مفيد جدااااا )
الماسك دا يتعمل مرة في الأسبوع

*ماسك لتفتيح الركبة - الكوع - تحت الابط :



للبشرة الحساسة

ندهن ع المكان اللي احنا عايزين نفتحه زيت الزيتون ونجيب نص لمونة ونحط عليها شوية ملح صغيرة كدا من فوق وندعك بيها المكان

مرة مع مرة المكان هيفتح وينعم


للبشرة العادية

نجيب نص لمونة ونحط عليها شوية ملع صغيرة كدا من فوق وندعك بيها المكان اللي احنا عايزين نفتحه وبعد كدا ندهن زيت الزيتون ع المكان

مرة مع مرة المكان هيفتح وينعم

*ماسك لأزالة الحبوب :



المكونات

2 معلقة زبادي بلدي بايت بره التلاجة ( مخمور )
2 قرص اسبرين ( ريفو )

الطريقة

نعجنهم مع بعض كويس اوي ونسيبهم من بليل للصبح وبعد كدا نحطهم ع الوش كله ونسيبهم لحد ما يمتصهم الوش ( يعني نلاقي الزبادي بقى جاف ) وبعدين نغسل الوش كويس اوي وبعد كدا نغسله بماء الورد


الماسك دا يتعمل مرة كل يوم

*ماسك لأزالة حبوب الجسم :

( لتدبيل الحبوب )




المكونات

2 معلقة شاي أخضر
2 قرص اسبرين ( ريفو )
طرطوفة زيت زيتون

الطريقة

نقلب كويس اوي وبعد كدا نحط الخليط ع مكان الحبوب ونسيب الخليط لحد ما ينشف ع الجسم وبعد كدا نغسل المكان كويس اوي

الماسك دا يتعمل مرة كل يوم
لاتنسوا تقيممي حبوبات لاني تعبت خالص على الموضوع
تقبلو ودي لكم
تحياتي