♥♥ Hair Loss - تســاقط الشــعر ♥♥

الســلام عـليــكم ورحــمـة الله وبــركــاته
انهردة جايبالكم موضوع حصررررري لفتكات وبس وترجمتي انا


الموضوع عن تساقط الشعر ،، لان تساقط الشعر بيضايق كل البنات سواء كان مؤقت او دائــم، وانا طول ما فاتحة القسم دا بلاقي بنات كتير بيشتكوا من تساقط الشــعر، فقررت اني اكتب الموضوع دا عشان نعرف الاسباب الاساسية لتساقط الشعر ونعرف ايه الي ممكن نعمله لعلاج الموضوع دا ، بس فيه حاجة الموضوع دا للي عندهم التساقط زايد ،لانه لازم ناخد بالنا ان كل الناس لازم ليها معدل معين من سقوط الشعر ودا هنعرفه في الموضوع......

أهم اسباب تساقط الشعر :

1- سوء التغذية : لما الجسم بيفتقر للفيتامينات والمعادن لازم تعرفي ان اول حاجة بتتأثر هيا الشعر،، زي مثلا الوردة ، لما تكون متغذية بالمياة والهواء والضوء تمام بتفضل قوية انما لما ينقص حاجة هتتضعف وتذبل ،، كمان التغذية بتأثر على قوة الشعراية نفسها،، ودا الي هيخليها لا نافع معاها لا شامبو ولا بلسم يعني اهم حاجة التــغــذيـــــــــــــة الســـــــليـــمة!
2- التوتــــر : التوتر عليه عامل كبير في تساقط الشعر ،، فمثلا من احدى تجاربي انا،، ايام الاعدادية السنة دي ايام امتحانات الترم الاول والتاني كنت لما اجي اسرح شعري الاقيه بيقع كتير كل دا بسبب التوتر!! فلازم منشدش اعصابنا كدة وكل حاجة بهدووء،، العبي يوجا او روحي لدكتور لما تلاقي الموضوع زايد.
3- الحمل والرضاعة : دا طبيعي جدا وكلنا عارفين الموضوع ،، وعادة الفقدان في الشعر ساعتها بيبقا من تحت عند الرقبة لانه بيبقا نوع مختلف من الشعر ، العجيب انه عندنا في كل جزء من راسنا نوع مختلف ! ، والشعر الي عند الرقبة والي من قدام هما الاضعف عشان كدة بيقعوا، ودا ملهوش علاج لان دا تغيرات هرمونية مينفعش نتدخل فيها بس الشعر هيطلع تاني بعد الحمل والرضاعة .
4- الغدة الدرقية: لازم لو عندك اي مشاكل في الغدة الدرقية تعالجيها!! لانه فيها هرمون التستوستيرون ممكن يتحول لهرمون الديهدروتستوسترون ودا بيهاجم بصيلات الشعر فبيخليه يقع فالافضل تروحي عند دكتور ..
5- الثعلبة: ودي غنية عن التعريف طبعا لانها مرض وراثي

حــقائق غـــريــبة عن الشــعر وتساقطــه :
1- خلايا الشعر هي من اسرع الخلايا نموا في جسم الانسان ، لكن عندما يكون جسم الانسان في ازمة او فيه توتر ، خلايا الشعر بتقف عشان توجه الطاقة لمكان تاني ، المكان المجهد .
2- عادة ينمو الشعر حوالي نصف بوصة "انش" في الشهر لمدة 3 سنوات تقريبا، بعد كدة بيعد فترة استراحة ، شعرة بين كل 10 شعرات هيا ال في فترة الراحة ،وبعد حوالي 3 اشهر فيه شعرة جديدة بتدفع القديمة عشان تنمو ،، كل ما تروح عدد شعرات اكتر في فترة الراحة بيختل التوازن ،، وسقوط الشعر بيحصل.

اصــــلاحات مؤقتة :
1- الحل الاول الصراحة دا انا مش عرفة هو موجود في مصر ولا ايه ،، دي حاجة اسمها Colored dry shampoo بيترش على الفراغ بس حبة صغيرين مش كتير عشان يداري الفراغ .
2- الاي شادو : بتحطي على الفراغات بردو اي شادو بلون شعرك بس لاحظي انا بقول دلوقتي الحلول المؤقتة .......
3- فيه حاجة اسمها clip-in Extensions دا عبارة عن خصلات ملونة هما بيحطوها ..الخصلات دي لازم يتقلل من استعمالها لانه بتجهد الشعر
4- استخدمي مدلك فروة الرأس الي هو فرشاة الشعر الي اطرافها مدورة كدة دي عشان تنشط الدورة الدموية في الرأس
5- لما تيجي تعملي ديل حصان متشديهوش جااامد اوي كدة لازم تتأكدي انه متريح جداا او تعمل كحكة بس بردو متكونش مشدودة!

اصــــلاحات على المدى الطويل :
1- العلاج بالليزر : دا بيتم باداة زي الفرشة .. هو غالي شوية بس بديل كويس للادوية
2- منتجات Nixon : دي مش عرفة الصراحة في منها في مصر ولا لا بس مكتوب انها رائعة جدا
3- الفيتاميناااااااااات :: حسنوا من الاكل وكلو خضراوات كتير J
4- اتحكمي في توترك لان دا عليه عامل كبييييييييير ،، واي تغيرات هرمونية كبيرة تابعي مع الدكتور

بس كدة الموضوع خلص اتمنى يكون عجبكم