ين بنكت مغربية ولا اروع تفضل

عــلــى بركــة اللـــه





النكتة 1
هادي واحد المرا بغات تركب طاكسي وهي تسول مولاه: بشحال أولدي كتدي لحي المقاومة؟
قال ليها: 15 درهم
قالت ليه: والسيكان؟
قال ليها: السيكان فابور
قالت ليه: إيوا هاك أولدي دي ليا هاد السيكان هاني غادي نلحق بيك على رجلي



النكتة 2
واحد مكلخ قال لصاحبو: البارح ما نعستش مزيان ف التران
قال ليه صاحبو: وعلاش؟
قال ليه المكلخ: لحقاش كنت ناعس ف البلاصة الفوقانية
قال ليه صاحبو: وعلاش ما تبادلتيش مع مول البلاصة التحتانية؟
قال ليه المكلخ: حيت كانت خاوية وماكانش فيها حتى واحد باش نتبادل معاه



النكتة3
واحد مكلخ دار إيدو ف الما القاطع و دابت ليه. هو يدخل راسو باش يقلب عليها



الكتة 4
راجل معقول كان غادي وطاح ف حفرة
ناض منها وشاف قدامو وهي تبان ليه حفرة أخرى وقال: أوووف هنطيح عوتاني



النكتــة5
واحد الراجل خارج من لوزين، وهو يتعرض ليه واحد الشفار هلكو مزيان وخدا ليه الخلصة ديالو
من بعد 15 يوم، كان الراجل خارج عاوتاني من لوزين، وهو يتعرض ليه نفس الشفار
يالله بغى يعطيه قتلة ديال العصا تاني، وهو يقول ليه الراجل: حبس أخويا، هاك الخلصة ديالي، بلا ما تضربني
شد من عندو الشفار الفلوس، وبقا عليه حتى سلخو
قال ليه الراجل: الله يا خويا، عطيناك الفلوس وهلكتينا
قال ليه الشفار: أنا ندي شي حاجة بعرق كتافي



النكتة6
واحد سكران مشى لدارو
لاحت ليه مرتو الساروت، وتلف على الثقبة ديال الباب
غوت عليها قال ليها: لحتي الساروت إيوا لوحي التقبة



النكتة 7و الاخــيـرة
واحد السيد ديما كتعايرو مرتو: الناس كاع مشاو للطاليان، ونتا باقي هنا
هو يقول ليها: شوفي، أنا غادي نجلس فالدار واحد الشهر، واللي يسولك علي، ق‬ولي ليه مشى للطاليان
قالت ليه واخا
اللي يسولها كتق‬ول ليه راجلي مشا للطاليان
واحد النهار، سمع ولدو ضربو شي واحد ف الزنقة
هو يطل من الشرجم، وقال ليه: واخا عليك حتى نرجع من الطاليان ونوري